استعرض الإعلامي رامي رضوان خلال برنامجه “8 الصبح” المذاع على قناة “dmc” فيديو لموتوسكل يحمل 9 ركاب، وعلق عليه قائلًا “مفيش حد عاقل يعمل كده”.
وعلق رضوان على الفيديو قائلًا “المشهد ده مش في مصر، وأنا مش عارف ده في أي بلاد صراحة، الموتوسكل أنا كنت بتحايل على أبويا عشان يجبلي واحد زيه، وقالي يابني بلاش ده اسمه الموت السهل، أنا مش عارف دول جايله قلب إزاي يعملوا كده، ده لو نفخة هوا جتلهم هيقعوا، ده حاجة عبث يعني “.
وأضاف رضوان قائلًا :في حاجة نحاول نعملها في مصر بقالنا فترة وهي منفذة في أوربا اسمها «Car-pooling» أو الكار بولينج، لو في مجموعة مشوارها مشترك من مكان لمكان بيركبوا مع بعض عشان يوفروا على بعض كل واحد بياخد عربيته في يوم، وفي حاجة معمولة في أمريكا في حارة من الحارات في بعض الشوارع الأمريكية مخصصة للعربيات التي تحمل أكثر من شخص، حتى يسيروا بشكل أسرع، وذلك للتشجيع على فكرة الكار بولينج، أما إنه يحصل في الموتوسكل ده عبث.
شاهد الفيديو…