علق الإعلامي عمرو أديب على مشاهد الرقص أمام اللجان في الانتخابات المصرية 2018، للمشاركين في الانتخابات الرئاسية التي انطلقت أمس وتستمر لمدة 3 أيام على مدار أيام الاثنين والثلاثاء والأربعاء.
فعرض أديب خلال برنامجه “كل يوم” المذاع على قناة “one” فيديو لأنصار الرئيس السابق محمد مرسي قائًلا : بعد فوز الرئيس محمد مرسى كانوا بيرقصوا ووقتها كان مباح وحلال، إنما عندنا إحنا لأ ومسخرة أووي، ما تسيبوا الناس مبسوطين وسعداء، عندنا فيديوهات لقيادات الأخوان وهما بيرقصوا.
يرقصوا لمرسي ماشي، إنما يرقصوا لمصر، يقولوا عليهم دول قلالات الأدب، قطع لسانك ياللي تغلط في ستات مصر، دول هما اللي كانوا في الانتخاباتن الستات هما اللي بيسندوا، هما اللي واقفين معانا، نفسي اللي عايز يتكلم في حاجة يقول شيء نقدر نتكلم عليه،مش أي إرهاب للناس وخلاص”.
وتجدر الإشارة إلى أن مارثون الانتخابات الرئاسية انطلق أمس ويستمر لمدة 3 أيام على مدار أيام الاثنين والثلاثاء والأربعاء، ويبلغ عدد من لهم حق التصويت فى محافظة القاهرة 7 ملايين و409 آلاف و843 مواطنا يصوتون فى 1410 لجنة فرعية، تشرف عليها 44 لجنة عامه و 823 مركزا انتخابيا.
شاهد الفيديو…