حصدت لاعبة الإسكواش المصرية نور الشربيني على بطولة العالم في الإسكواش 2019، وذلك للمرة الثالثة منذ مشاركتها فى عالم الاحتراف، وذلك بعد فوزها على زميلتها نور الطيب فى نهائى السيدات 6/11و5/11 و12/10و13/15 بعد مباراة استغرقت 59 دقيقة.
وأعربت نور الشربيني عن سعادتها بهذا الفوز خلال مداخلة هاتفية مع الغعلامي عمرو أديب ببرنامج “الحكاية” قائلة “هذه بطولة العالم، أكبر بطولة عندنا في السنة، كلنا بنبقى بنجهز نفسنا عشانها، وكلنا بنكون نفسنا نكسبها”.
وتابعت نور “أنا عمري ما كنت أتخيل إنه يكون معايا 3 بطولات عالم، ومبسوطة إننا في ختام البطولة كنا 4 مصريين، إحنا في الإسكواش مسيطرين، ودي أول بطولة عالم تبقى إجمالي قيمتها المالية مليون دولار”.
وداعب أديب نور قائلًا” واللي بياخد المركز الأول بياخد كام من المليون دولار عشان ننق عليكي شوية”، وردت نور ضاحكة” لا مش بياخدهم كلهم، بتتقسم 500 بنات و500 ولاد”.
وأضافت نور الشربيني” إحساسي وأنا بواجه نور الطيب إحساس صعب ومختلف، وأنا ونور أصحاب من زمان، وبره الملعب أصحاب جدًا، وبقالنا سنين كتيرة بنلعب مع بعض وبنافس بعض، أنا أهدي الجائزة لأهلي ومدربيني، ولمصر”.
شاهد الفيديو…