مدح الإعلامي عمرو أديب، قدرات الشعب المصري خلال برنامجه “الحكاية” المذاع على قناة “MBC مصر”، وأنه شعب واعي، ولا يستطيع أحد أن يخدعه.
فوصف أديب الشعب قائلًا “الشعب المصري شعب قوي، قد يبدو في أحيان معينة بيشتكي، وشوفنا ده على مدى التاريخ، من الأسعار والحالة، ولكن الشعب المصري مش أهبل ومش كلمة تجيبه وكلمة توديه، شعب عارف مصلحته كويس، والدولة المصرية قوية جدًا”.
وتابع أديب قائلًا “إحنا كمصريين خدنا الحقن كلها العشر سنين اللي فاتوا، عندنا دولة زي الجزائر والسودان فيها حراك، ولكن في مصر الشعب عارف ومقتنع وعارف ماذا يحدث،شعب مش أهبل، شعب ذكي، عارف إيه اللي بيحصل، وشايف الدول اللي حواليه بيحصل فيها إيه”..
ووجه أديب حديثه للدولة المصرية قائلًا “الشعب والناس هما سند وجيش الدولة، مشاريع تتعمل والناس تسعد بها، وتحسين حياة الناس، والنظر لأصحاب الطبقات الكادحة، الناس لازم ياخدوا الثقة، وإحنا نتحسن وهنبقى أحسن، والأيام الجاية هتبقى أحسن، لأن الدولة قوية ومتماسكة وبها قضاء قوي وجيش قوي”.
شاهد الفيديو..