سخر الإعلامي عمرو أديب من الخبر الخاص بمنح إحدى الشركات النساء العاملات بالشركة إجازة في فترة الحيض من كل شهر.
فعلق أديب خلال حلقة الأمس من برنامج “الحكاية” قائلًا “في حكاية صغيرة قلقاني، شركة من الشركات في مصر قررت أنها تدي الستات إجاززة وقت الدورة الشهرية، أسبوع الدورة الشهرية أجازة يعني الست تشتغل 3 اسابيع، أصحاب الشركة قالوا إننا بنحس بالألم اللي بتبقى في المرأة وهنديها أجازة، هما أحرار”.
وتابع أديب “فجأة لقيت الفيس بوك بيطالب إن الدورة الشهرية تبقى أجازة في مصر كلها، طبعًا ده من حقوق المرأة، طب ده زي فين بره، طب بالنسبة للراجل هنديله أجازة بتاعت إيه بقى، فين المساواة بقى”.
وأضاف أديب “يجي يقول المرأة والمساواة، باشا أنا مع المساواة بين الراجل والمرأة، قال يعني إحنا البلد بتشتغل أوي ومقطعة شغل، عشان ندي لمدام مديحة اللي في الدور الثالث أجازة أسبوع، وشيل من باقي الايام الاجازات الرسمية وجمعة وسبت، فيتبقى للست 10 ايام تشتغلهم، هي دي دولة نايمة ولا نامية، المرأة على عيني ورأسي بس أوقات بيبقى في طلبات كتير”.
وأكمل أديب استنكاره قائلًا “المرأة بره مصر بقت مقاتلة، مجتش قالت عندي ظروف، أرجوكم إحنا عايزين مساوة بجد، عندك الدورة الشهرية الراجل عنده المصاريف الشهرية، ودي اختها”.
شاهد الفيديو…