أعرب الإعلامي تامر أمين عن تاييده لفكرة “جواز الصالونات”، وذلك خلال نقاشه مع الإعلامية ياسمين الخطيب في حلقة الأمس من برنامج “أخر النهار” المذاع على قناة “النهار” الفضائية.
فعلق أمين قائلًا “مش هرفض جواز الصالونات لبنتي، هشوف العريس وهستقبله، وهقيمه كأب، وبعدين هنقل الكلام لبنتي وأخليها تشوفه، ومش هضغط عليها عشان توافق، وده لسببين لأن في بعض الشباب بيتكسف، وفي بعضهم ظروف عمله مبتخلهوش على احتكاك ببنات”.
وتابع أمين “أنا ضد علاقات النت، لأن علاقات النت فيه تجمل، ومفيهوش احتكاك حقيقي، يعني مشفهاش لما بتضحك بتبقى إزاي، ولما بتتعصب بتكون إزاي”.
وأضاف أمين “انا رأيي إن علاقات النت أغلبها شقط، اللي عايز يشقط يروح النت، أما اللي عايز يتعرف يروح يتعرف باحترام، أنا لو حد جالي عن طريق صالونات هستقبله واشرب معاه الشاي، ولو جت قالت لي في حد، إنما لو بنتي جت قالتي في حد جاي يتعرف عليك وعرفاه من على النت بقالي سنة، هروح أقطع نتها فورًا، فهي علاقات لا يمكن الوثوق فيها”.
شاهد الفيديو…