استنكر الإعلامي عمرو أديب توزيع الأموال وكراتين السلع الغذائية على الجمهور، من أجل التصويت على التعديلات الدستورية.
فعلق أديب قائلًا “حكاية إن الناس منزلتش دي أنا مش هتكلم فيها، على فكرة دور المعارضة إنها تبوظ الفرح بأي طريقة وتقل ده حشد حكومي، أو يقولوا دول أدوهم كراتين بتاعت مدرسة الانتخابات”.
وتابع أديب: عشان أكون واضح أنا ضد أن تعطي رشوة انتخابية لأي حد، لا رشوة انتخابية عشان يروح ولا فلوس عشان يقول لأ، من جهات الناس عارفنها، في فلوس الناس أديتها، موضوع الكراتين أنا ضده.
وأضاف أديب قائلًا “عايز أقول معلومة مهمة مهما وزعت النتيجة الأساسية تأتي من الشعب الحقيقي، مش من الناس اللي نزلت عشان الكراتين، النتيجة الحقيقة بتاعت العمال اللي نزلوا من مواقعهم، بتاعت الشباب اللي شفناهم لأول مرة في الانتخابات، لأول مرة نشوف السن ده، الناس دي اللي واقفة بتاعت الجامعات”.
وأكمل “إحنا مش في سويسرا، في ناس بتبقى عايزة تعمل حركات مجاملة وحركات بلدي، بس مش ده اللي بيعمل النتيجة، اللي بيعمل النتيجة الكتلة يا عندك ناس نزلت يا إما منزلتش”.