ندد الإعلامي عمرو أديب بشماتة البعض في مرض الإعلامي شريف مدكور، وذلك خلال حلقة الأمس من برنامج “الحكاية ” المذاع على قناة “أم بي سي مصر”.
فعلق أديب قائلًا “المرض بتاع أخونا شريف مدكور، أنتوا عارفين إن السرطان يضرب في أي وقت او اي مكان، بغض النظر عن السن أو الجنس، أو مدخن أو غير مدخنن لا يوجد مقاييس للسرطان، السرطان يضرب بعنف، كلنا عندنا حد قريب جاله هذا المرض بشكل من الأشكال، هو كلام مؤلم، ولكن الكلام في السرطان بقى أمر واقع ونقدر نشوفه حوالينا”.
وتابع أديب قائلًا “إمبارح بقول إننا نقف جنبه ونطبطب عليه، وربنا معاه، لأن هذا الأمر ليس سهل، لا نستطيع فعل شي إلا بث الأمل للمريض، الغريب واللي حصل إن الاقي ناس من المعارضة سوا كانوا إخوان أو غيرهم، بيقولوا أيوه طبعا يجيله عشان تشوفوا، هو جرالنا إيه، حد ممكن يشمت في حاجة زي دي، أقسم بالله لو حد من ألد الأعدا مريض عمري ما أشمت فيه”.