استنكر الإعلامي تامر أمين حالة الهجوم التي يتعرض لها نجم منتخب مصر ونادي ليفربول الإنجليزي محمد صلاح، على مواقع التواصل الاجتماعي في الفترة الأخيرة واتهامه بالغرور.
فعلق أمين على هذا الأمر خلال حلقة الأمس من برنامج “أخر النهار” المذاع على قناة “النهار” قائلًا “طبيعي جدًا إن الناس تنتقد أداء المنتخب، ده في إطار الحب والدعم، ولكن في حالة ترصد وتركيز مع محمد صلاح بشكل أنا مش مرتاح له، على مدار الأيام اللي فاتت، في حالة على السوشيال ميديا يبدو إن المحتوى الأصلي بتاعها متعمد، في ناس عماله تتكلم عن إن محمد صلاح يتنك علينا وإن هو مغرور ونسي أصله، ونسي نجريج، وفي ناس بتقول مغرور على زملائه في المنتخب، وعلى الجمهور في الاستاد، وهجوم على محمد صلاح بشكل مستحيل يطلع من حد محب”.
وتابع أمين قائلًا “دي هجمة تكسير واحد بيخلص على رمز، وفي ناس ركبوا الموجة، والدليل على إن هذا الهجوم متعمد، لقيت إن في عرب بيدافعوا عن محمد صلاح واللي بيهجموه مصريين، وإن اللي بيهجموه نشريين له فيديوهات من الصيف اللي فات”.
شاهد الفيديو…