علق الإعلامي تامر أمين على فيديو الفنان “محمود العسيلي” الذي انتشر على مواقع التواصل الاجتماعي والذي ظهر فيه وهو يعامل أحد جمهوره بغرور في إحدى الحفلات.
فأعرب أمين عن رأيه خلال حلقة الأمس من برنامج “أخر النهار” قائًلا “في ناس كتير زعلت من العسيلي، وقالت إن ده غرور وقالت إن ده تعالي، وتعامل لا يصح مع واحد من معجبيه، وإن الجمهور هو اللي عمل الفنان، وكلام كتير”.
وتابع أمين “من وجهة نظري إن الموضوع خد أكبر من حجمه، وإنه طبيعي العسيلي مش هينفع يتصور مع كل واحد في الحفة لأن في ألوف قدامه، موقف العسيلي صح، ولكن الطريقة هي اللي زعلت الناس، محدش يقول إنت جامد يعني ومعاك وسطة، حتى تعبيرات الوش، في رايي كان في 500 طريقة، ممكن تفرق ومحدش كان هيزعل، وكنت هتخرج من الموقف ببساطة، بس الناس زاطت شوية على العسيلي، هو صديق وأنا عارف إنه مش مغرور “.
وأضاف أمين “أنا سعيد برد فعل عسيلي، اللي اعترف فيهم بغلطه، وقال إن أي فنان من غير جمهوره يعتبر صفر على الشمال، الاعتذار هو شيمة الكبار، وأنا بحترم اللي عنده فضيلة الاعتذار”.