استنكر الإعلامي عمرو أديب حادث القطار، الذي راح ضحيته شاب يدعى محمد عيد عبد الحميد وأصيب أخر، بعد أن أجبرهم الكمسري على القفز من القطار لعدم وجود تذكرة معه، وذلك خلال حلقة الأمس من برنامج “الحكاية” المذاع على قناة “أم بي سي مصر” الفضائية.
فعلق أديب قائلا “البلد بتدفع دمها عشان تجيب قطارات جديدة وجرارت جديدة، عندك مشروع قومي محترم، لإن أنت فعلا كنت راكب قطارات موت، النهارد بيقولوا تذكرة الموت”.
وتابع أديب “بس النهاردة محدش هيدافع، حتى الوزير نفسه مش لاقي مبرر وفي حالة استياء شديدة، ولكن في نهاية الأمر شوية رحمة وشوية هدوء والمليان يكب على الفاضي، يعني هي دي مصر، مصر عاشت 7000 سنة عشان دولة مليانة ثروات ونفط وغاز ودهب، مصر لو تحسب فلوسها وإمكانيتها والله ما تعدي تاني يوم، هي عايش عشان الناس شايلة بعض”.
وتابع أديب قائلا “الحادثة بتاعت النهاردة أرجو إنها تكون درس وكل المسؤولين يتعلموا من المسئول اللي طلع اعترف بالخطأ، وقال هروح أعزي، تخيل هيخش الشارع بتاع الراجل اللي هو مسؤول عن وفاته إزاي، هي دي تحمل المسئولية اللي بنقول عليها”.
واضاف أديب “من حق الأسرة إنها ترفع قضية على هيئة السكة الحديد عشان يقدر ياخد تعويض مناسب”.
شاهد الفيديو