استنكر المستشار مرتضى منصور، رئيس مجلس إدارة نادي الزمالك، ما حدث لشهيد التذكرة محمد عيد عبد الحميد وصديقه بعد أن خيرهم كمسري القطار بين الدفع أو النزول من القطار، لعدم وجود تذكرة معهم، فاختارا النزول من القطار حال سيره في محطة دفرة القديمة، الأمر الذي أدى لوفاة أحدهما.
فعلق مرتضى منصور خلال مداخلة هاتفية مع برنامج “الزمالك اليوم” المذاع على قناة “الحدث اليوم” الفضائية قائلا : أنا النهاردة سعدت بزيارة كامل الوزير، وزير النقل المحترم اللي زار أسرة محمد شهيد التذكرة.
وواصل منصور قائلا “أنا عايز أقول للأخ الكمسري ده، يعني أنت مش بتاخد لأسرتك تذاكر مجاني، إزاي تقوله يا تدفع يا تنط، ينط إزاي يعني ويموت، أنا شفت أسرته وهو بيعمل ميداليات وبيصنعها ويبيعها، يعني مكنش عرجي ولا موظف صايع، ولا عمل مليارات من الحشيش”.
وأردف مرتضى منصور قائلا: الولد كان واقف مكنش حاجز كرسي، كنت أعتبره فراش في القطر، القصة مش قانون بس، بقت مفيش رحمة، كلنا تعبانين، وزعلانين على شاب جميل ومكافح، شيء مقرف ومحزن.
وأضاف رئيس مجلس إدارة نادي الزمالك قائلا “سيادة الوزير كامل الوزير قال أي أتعاب للمحامي أنا هدفعها، أنا بقول للوزير شكرا أنا متطوع للدفاع عن هذا الشاب اللي توفى عشان تذكرة ب 50 جنيه، يعني روح بني آدم تروح عشان 50 جنيه”.
شاهد الفيديو..