روى عبد الرحيم علي، شقيق لاعب نادي الزمالك الراحل علاء علي، تفاصيل الشهور الأخيرة في حياة شقيقه وإصابته بمرض السرطان، وذلك خلال مداخلة هاتفية مع الإعلامي وائل الإبراشي ببرنامج “كل يوم” المذاع على قناة “أون” الفضائية.
فعلق عبد الرحيم علي قائلا “علاء بعد الرباط الصليبي اللي جاله في شهر 6 اللي فات جاله المرض الوحش، دخل المستشفى وعمل فحوصات، وطلع عنده سرطان في دماغه نوع نادر جدا مبيجيش لحد، عمل عملية وبدأ يشتغل علاج طبيعي، والدكتور كان بيتابعه، ورجع البيت طبيعي وبيروح يعمل جلسات إشعاعي، بين يوم وليلة أتصلوا بينا قالوا علاء جاله كرشة نفس ووقع مات”.
وأردف شقيق علاء علي “علاء متجوز وعنده لوجي وعدي، أعمارهم 7 سنين و3 سنين، علاء كان راح في بني سويف موسم، وبعد كده سموحه، وبعدين الجيش وبعدين المصري، وبعد كده وادي دجلة، وبعد كده بتروجيت”.
وأضاف “علاء شخصية جميلة جدًا، شخصية حرام تبقى موجودة في الزمن ده، بيعمل خير، ومحترم، والحمد لله ميتعزش على اللي خلقه، الجميع يشهد له بالأخلاق والكفاءة، وراضين بقضاء ربنا”.