طريقة جديدة لعمل الفراخ وحشوها ، طريقة هلة وغير مكلفة تبعدك عن الطريقة التقليدية لعمل الفراخ وتصلح ايضا للمرضى وستجدد من شكل الطعام ومذاقة ، اليكم الطريقة والخطوات .
المقادير :
فرخة للحشو حجمها حوالى كيلو او كيلو و 100 او 200 جرام بالكتير
كوباية ارز
بصلة كبيرة ولو بتحبى البصل كتير ممكن تزودى لكن كدا افضل
ملح وفلفل اسود وبهرات وحبهان وورق لورا مطحون واى بهارات تحبيها
كبد وقوانص لو متوفر عندك لو مش متوفر ممكن لحم مفروم
الطريقة :
اول حاجة نغسل الفرخة كويس بالطريقة اللى انتى بتستخدميها سواء بخل او ملح او ليمون او الكل المهم نتخلص من كل الدم والظفارة اللى جواها
هنجيب حتة زبدة او منة او زيت حسب رغبتك ونسيحا فى حلة على النار ونضيف الرز المغسول ونشوحة شوية وبعدين نضفلة البصل والتوابل ونقلب وبعدين نضفلة كوباية ونص ماية ساخنة، ونسية لغاية ما يشرب الماية ونطفى احنا عايزينة نص سوا يعنى اول لما يشرب الماية تطفى عالطول، او ممكن نشوحة فى بصل ونضيف التوابل ونحشى الفراخ على طول وكدا افضل .
هنجيب الفرخة نصفيها ونتبلها ونفصل الجلد عن الللحم علشان نعرف نحشى الرز بينهم
هنجيب الرز ونحشى الفرخة ونحشى بين الجلد واللحم بس خلى بالك مش كتير علشان مش تفتح ونقفل الفرخى كويس من رجليها لو مش بتعرفى يبقى بسلاكات سنان لو مش هتعرفة يبقى ابرة وخيط وعقمى الابرة قبل ما تستخدميها
طريقة الطهى
الطريقة الاولى :
هنجيب صنية فرن ونحط فيها طرنشات بطاطس وبصل وجرز وممكن اى اضافات تحبيها ونحط فوقيها الفرخة ونحط كوبين ماية مع ملح وفلفل وبهارات ونغطيها وندخلها الفرن على 180 ونسبها تستوى راحتها خاااااااااااالص ولما تستوى نشيل الورق ونشغل الشواية
الطريقة التانية :
هنجيب حلة ونحط فيها ماية وبصلة وورق لورا وحبهان وتنزلى فيها الفرخى ولما تقرب تستوى تظبطى الملح ولما تستوى هتصفيها وتحطيها فى صنية وتدهنيها زبدة وتدخليها الفرن تتحمر.
ما اجمل الاكل
ميرسي ليكو جدا بجد تحفه
تسلم الايادي
أنا بحبك مصر قوى