استقبل الإعلامي وائل الإبراشي، عبر برنامجه “العاشرة مساء”، المذاع على فضائية “دريم”، مساء أمس الخميس الموافق 11 مايو 2017، على الهواء مباشرة، اتصال هاتفي من مواطن بمحافظة دمياط يدعى “علي”، يخبره بشيء مؤسف وحزين أحزن جميع المصريين.
أقسم المواطن “علي” من سكان دمياط أنه يأكل من “الزبالة”، وقال في مداخلته مع وائل الإبراشي: “أنا جعان وعاوز أكل.. ارحمونا والله أنا بأكل من الزبالة.. ومش لاقي أجيب تمن العلاج وبشحت”.
وتابع متسائلا: “الحكومة دي قاعدة ليه، الحكومة دي لازم تمشي علشان نايمة ومبتشتغلش”.
المتصل : احنا غلابة يا استاذ ابراشي ومش عايزين شريف اسماعيل
وطالب “علي” قائلا: “أنا عايز أكل حتى لو فول أو طعمية، أنت مستضيف النواب معاك ليه أنا عايز أكل يا أخي، النواب مش حاسة بالناس كل واحد فيهم أخد سيارة وبياكل وبيشرب وعايش مبسوط هيسأل عن الناس ليه.. أنا عايز أكل وأعيش زي النواب”.
يذكر أنه بعد قرار تعويم الجنيه ازدادت معدلات التضخم في السوق المصرية حتى اصبحت القوة الشرائية ضعيفة جدًا للجنيه وتتناقص بصورة يوميًا، مع تضاعف الأسعار في جميع المنتجات، وكذلك ارتفاع أسعار الخدمات والوقود من كهرباء وبنزين وسولار في ظل عدم ارتفاع رواتب أغلب المصريين أو ارتفاع بسيط للغاية لا يضاهي القفزة الضخمة لارتفاع الأسعار بسبب تعويم الجنيه.