قالت إسراء طاهر خطيبة الفنان والمذيع الراحل عمرو سمير السابقة، أن علاقتهما كانت جيدة وكانت علاقة صداقة وكان دائم التشجيع في المناسبات لها، ووجهت رسالة مؤثرة جداً له عقب وفاته من خلال حسابها الشخصي على موقع التواصل الاجتماعي فيس بوك.
عمرو سمير
وأضافت إسراء طاهر بأنها لم تكن قادرة على قراءة القرآن بشكل صحيح في رمضان الماضي بسبب أعمال التصوير، ولكنه كان يعمل على تشجيعها طوال الشهر الكريم، مضيفة:”كان بيصور لى صورة من الجزء اللى هو فيه ويبعتهالى عشان يغيظنى ويحمسني”.
أقرأ أيضًا:
- الأرصاد الجوية تحذر بشدة من موجة شديدة الحرارة تضرب البلاد خلال هذا الموعد
- بعد دعمها لإرهاب قطر.. مواطنون يحطمون شرائح فودافون بعد تسمية شبكتها باسم تميم
وأشارت إسراء، بأنه كان يتحدث معها في ليلة 27 رمضان، وأكد له بإقامته لصلاة التهجد، ويحزن بشدة عندما يشعر بالتقصير في عبادته مع الله، مضيفة:
ليلة ٢٧ كلمني مكالمة طويلة أوي وهزرنا كتير وإتفقنا على حاجات نعملها بعد العيد، وبعدها بدأنا نتكلم عن ربنا وقعد يتكلم عن قد إيه بيحبه أوي وبيزعل لو زعله ونفسه دايماً يعمل مجهود عشان يقرب منه،، وقعد يشجعني ويدعمني في حاجات ليها علاقة بكلامنا كان عارف إنها مضايقاني. وفي أخر المكالمة قال لي “أنا عارف إنك زعلانة عشان مش هتعرفي تصلي التهجد وإنتي في التصوير بس أنا هدعيلك وأنا بصليها، وإنتي برضه أقعدي ادعي وسبحي لحد الفجر.” وبعد الصلاة كلمني وقال لي داعيتلك كتير اوي.
واستكملت خطيبة الراحل عمرو سمير كلامها قائلة:
“هفتقدك اوي يا عمرو وهفتقد هزارنا وكلامنا وهفتقد جداً جداً علاقتنا المختلفة اللي بيتهيألي مستحيل يبقى عندي زيها تاني أبداً، ربنا يصبر طنط ماجدة ويربط على قلبها وينور قبرك ويثبتك عند السؤال ويرزقك الجنة.. يا رب تبقى مرتاح أكتر من اي وقت فات. إنت كنت دايماً حسن الظن بربنا وهو هيبقى عند ظنك به.