أصيب المصطافون في مدينة الاسكندرية بالذعر خاصة على شاطيء النخيل بسبب الدوامات الساحبة التي تسببت في 15 حالة غرق، ومصرع البعض.
ونادى النشطاء على موقع ( فيسبوك ) بضرورة عدم نزول البحر في شاطيء النخيل بمحافظة الاسكندرية بسبب الحفر العميقة في رمال البحر.
ونشر محمد إبراهيم، الموظف بمكتب الصحة التابع له شاطيء النخيل على صفحته على (فيسبوك) إن المكتب تلقى خمسة عشر حالة غرق خلال يومين، جميعهم من شاطيء النخيل التي تسحب مياهه المصطافين ويغرقون بعد لحظات.
حيث قال
يا جماعة الله يرضي عليكم محدش يروح شاطئ النخيل (اسكندرية) ، بكررها تاني ! محدش يروح شاطئ النخيل ، الدنيا مقلوبة في مكتب الصحة اللي أنا فيه ، من امبارح للنهاردة حوالي 15 حالة غرق بسبب الدوامات الساحبة ……… ! تصريح الدفن اللي مضيته والتصاريح لشباب في العشرينات نبهوا علي أصحابكم وجيرانكم خصوصاً اللي جايين من القاهرة !
cp
الكلام ده حصل مع ولاد خالتى الاتنين قدام عينى وكان اول مرة في حياتى احس بالرعب اللى شوفته وكان في سحب في الميه غريب كانه شبح وبياخدهم لجوا ومكنتش قادر اعمل حاجة ومفيش حد بينقذ وكانوا بيموتوا قدام عينى بس ربنا كرمنا براجل دخل لحقهم وهما بيعرفوا يعوموا
حذروا اى حد تعرفوه شاطئ النخيل يعنى شاطئ الموت وفي حفر هناك كتير غبية !!
(وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً)
انقذوا اللى رايح #للموت برجله
افجع مصيبة ان حد من اسرة ينقص بالشكل ده !!
اعملوا شير وانقذوا الناس..
الدوامة الساحبة أشد أنواع الدوامات
والدوامة هي مجموعة من التيارات الدائرية التي تتأثر بحركة الرياح وتحدث نتيجة الاحتكاكات الأفقية والرأسية وتحدد أنماط الدوران بشكل للوبي للرياح.
https://www.facebook.com/medo.elcoach.79/posts/1183340305145013