أعرب المستشار مرتضى منصور،رئيس نادي الزمالك عن غضبه لما يحدث في النادي، وذلك خلال لقائه مع قناة “أون سبورت” عقب مباراة الزمالك والإسماعيلي.
وردد مرتضى وصلة إهانات لهانى العتال، نائب رئيس النادى قائلًا :”في سرطان دخل مجلس الإدارة، كان موجود أيام ممدوح عباس وجاب النادي أرض، يا جمعية يا عمومية يا قايمتي بالكامل يا قايمة المنافس بالكامل”.
وتابع مرتضى “أنت جايب واحد مزور، لو قعدت معاه على التربيزة يبقى أنا راجل معندوش مبادئ، أنا مليش علاقة باللي بيحصل، وأنا مش رئيس النادي، وهبقى رئيسة لما يتطهر، وأنا قلت لوزير الشباب والرياضة أنا مليش دعوة بالنادي يا قايمتي بحالها يا جمعية عمومية”.
وأضاف :”مليش علاقة بنادي الزمالك إلا لو الواد ده مشي، أنا راجل احترمت نفسي وقاعد في بيتي، وعن مصير نيبوشا أنا مش رئيس نادي، الزمالك مش هينفع بالطريقة دي، من يوم الانتخابات وأنا مبروحش النادي، وأنا قرفان من نيبوشا ومن أدائه”.
وتجدر الإشارة إلى أن مرتضى منصور يرفض الذهاب الحضور لنادى الزمالك فى الأيام الأخيرة بسبب الأزمة القائمة بينه وبين هانى العتال نائب رئيس النادى.
شاهد الفيديو..
https://www.youtube.com/watch?v=2wUqH5-E_Bo